السلام عليكم ورحمة الله وبركاته
...........
رمضان علي الابواب ....رمضان يطرق باباكم ......رمضان عايز يدخل البيت
مش هتفتحوا بقي ولا خايفين أنه يدخل ميلقيش عبادة ؟؟؟؟؟
هاه جاوبوا علي السؤال
عالعموم انا عملت الموضوع ده عشان افكركم برمضان وحلاوته وميزته عن كل الشهور التانيه عشان اقولكم استعدوا لمقابلته احلي مقابلة
طب افكركم ازاي بحلاوة رمضان ؟؟؟
عرفت شوفوا كده الاحاديث ديه :
قال صلى الله عليه وسلم"أتاكم رمضان شهر بركة يغشاكم الله فيه فينزل الرحمة ويحط الخطايا ،ويستجيب فيه الدعاء ،ينظر الله تعالى الى تنافسكم ،ويباهي بكم ملائكته ،فأروا الله من أنفسكم خيرا أ فإن الشقي من حرم فيه من رحمة الله عز وجل "
وقال صلى الله عليه وسلم ( إذا جاء رمضان فتحت أبواب الجنة وغلقت أبواب النار وصفدت الشياطين ) متفق عليه.
قال صلى الله عليه وسلم"من قام رمضان ايمانا واحتسابا خرج من ذنوبه كيوم ولدته أمه "
الرسول صلي الله عليه وسلم بيقولك رمضاااان خير الشهور .....شهر المغفرة والرحمة ....عايز ايه اكتر من كلام حبيبك ....مش عايزه تفرحه أنك بتتعبد في الشهر المبارك ده ....ايه مش عايز تفرحه ؟؟!!
هاه ايه رأيكم اعترفتم بقي بحلاوته ولا لسه ؟؟؟
يعني بعد رمضان هتكون وكأنك لسه مولود... ياه ياه ياه لسه مولود!!!! ايوه لسه مولود
في رمضان مفيش شياطين إلا لو بقي ...
عملت معاصي كتيير في رمضان..... ليه تحرم نفسك من حلاوة رمضان ؟؟
جهز لرمضان من دلوقتي ....زي اما بتكون رايح رحلة بتحضرلها من قبلها بكتييييييير
............
تيجو نتفق علي التجهيز لرمضان من بعد قراءة الموضوع
يلا نتفق بس كلام صادق
وأنا هساعدكم وهحط هنا بعض الاعمال اللي ممكن نعملها في رمضان
قال صلى الله عليه وسلم"هذا رمضان قد جاء تفتح فيه ابواب الجنة وتغلق فيه ابواب النار وتُغَل فيه الشياطين ،بعدا لمن ادرك رمضان فلم يغفر له ،
اذا لم يغفر له فمتى ؟"
أخواني وأخواتي الاعزاء لا تتركوا رمضان دون عبادة لازم تسعوا للحصول علي مغفرة ربنا وفرحة نبيك